Apo me hramosardjom řomanes o lil le Jankoneste le...

Apo me hramosardjom řomanes o lil le Jankoneste le Rodžeske. Čačes me anglja bišadjom leste o lil jekh berš palpale, numa ande anglizicka šib. Vo šoha či dja palpale. Me feri mangljom leski pacima, pa muře patreturja, o topiko muře butja.

Kadja data vo hramosardja palpale but sigo, ande řomani šib. Pušlja mandar te me čačes sim gaži, thaj sar me hakhjardjom e řomani šib.

Me, konešno, djom palpale ke me sim gaži, thaj me te sitjuvav e šukar řomani šib kenjvjanca, ke but šukar řoma žutisaren man pa-l forumurja. Thaj leski kenjva si jekh kenjva ka žutisardja man. Pušljom lestar te kamlja te dikhel muře patreturja, komiksurja.

Adjes dja palpale. Phendja mange ke me čudisardjom les, ke me maj mišto sitjajljom e šib. Me simas but lošani ke šunav kadja. Phendja mange ke vo gindisardja me aviljom kataj Pešta. Fajma ke me hramov řomanes, sar ungrijake řoma atunči? Asamasko si, me či žangljom.

Pušlja mandar kaj te arakhel muře patreturja, thaj me bišadjom leste le geliji muře vebsajtosko thaj bigetomasko komikso “O Šavořo Ando Veš”.

Akana me žutiv o otveto. Amborim avel vareso, kana me žav palpale khere kataj buti.

Akana… Me sim but lošani ke dja palpale, ke muřo lil sas hakhjardo. Numa soske vo del palpale muře dragone vortačen khanči, vaj bilašes? Hm. Kon žanel. Me te kamava ma te vorbiv le řomane artistarja, vaj vareso. Či žanav so phendela o sitjari la šiba.

Post Notes

chaje-shukarije это понравилось
golden-zephyr сказал(а): me avava del anglal!
lisipuska это опубликовал(а)